Жер тоңы жібіп, алғашқы көк дүркіреп шыға бастаған кезде шыбық қадап, тал отырғызу – сауапты іс. Осы ретте, Жуалы ауданы, Алатау ауылының тұрғыны Дәулембек Бозтайұлы ағаш отырғызып, жайқалған алма бауын өсірумен айналысқанына 16 жылдай уақыт болған.
Осы уақыт ішінде үй іргесіндегі 1,5 гектар жерге 950 түп жеміс ағашын отырғызып, бүгінде жемісін сатып, пайда көріп отырған жайы бар. Бауда алманың сегіз түрі, алмұрт, жаңғақ, фундук, айва ағаштары өседі.
300 түпке жуық көшетті ағайын бауырларымен бірге әкеліп, оларға да бағбандықтың қыр-сырын үйретуде. Өткен жылы бағбан 7-8 тоннаға жуық өнім жинап алған.
