Түркістан облысында қолға алынған «Өнерлі өлке» өнер фестивалі Төлеби ауданының мәдени күндерімен жалғасты. Ұлттық өнер мен өңіріміздің туристік әлеуетін дамыту мақсатында өтіп жатқан іс-шараны тамашалаушылар қатары артып келеді.
Екі күнге жоспарланған мәдени-рухани көште бұл жолы ұлттық ойындардан жарыстар өтті. Этноауылда қазақша күрес, аударыспақ, қошқар көтеру, гір көтеру, қол күрес, садақ ату, тоғызқұмалақ сынды ұлттық спорт ойындарына жиналған жұртшылық та белсене қатысты. Шара барысында Төлеби аудандық және Леңгір қалалық саз мектебінің өнерпаздары дайындаған концерттік бағдарлама ұсынылды.
