Жасырын цехта алкоголь өндірілген

Рolisia.kz: «Абай облысында өңірдің Полиция департаменті Ұйымдасқан қылмысқа қарсы күрес басқармасының қызметкерлері алкогольді заңсыз дайындайтын жасырын цехтің қызметін тоқтату бойынша арнайы операция өткізді. Нәтижесінде 57 жастағы Семей тұрғыны жертөледе жабдықталған цехта дайындаған және әртүрлі көлемдегі 12 канистрге құйылған 1500 литрден астам алкогольді тауып, тәркіледі. Оның жалпы құны 2,5 млн теңгеден асады. Тұрғын  спиртті қолмен құю желісін жасақтаған», – деп хабарлайды. Абай облысы Полиция департаменті Ұйымдасқан қылмысқа қарсы күрес басқармасы бастығының орынбасары Әсет Шахантаев: «Заңсыз өнім үлгілері физика-химиялық сараптамаға жіберілген. Бұл факті Абай облысы бойынша Экономикалық тергеу департаментіне іс жүргізу шешімін қабылдау үшін тіркеліп, жіберілді», – деді.