Ақорда баспасөз қызметі: «Қазақстан Республикасының Президенті Нұрсұлтан Назарбаев Алматы облысының Райымбек ауданын Кеген және Райымбек аудандарына бөлу туралы Жарлыққа қол қойды»,— деп хабарлайды. Төменде «Алматы облысының әкімшілік-аумақтық құрылымындағы өзгерістер туралы» Жарлықың мәтіні келтірілген. Онда: «Қазақстан Республикасының әкімшілік-аумақтық құрылысы туралы» Қазақстан Республикасының 1993 жылғы 8 желтоқсандағы Заңының 9-бабына сәйкес:

1.Алматы облысынан Райымбек ауданын бөлу арқылы әкімшілік орталығы Кеген ауылы болатын Кеген ауданы мен әкімшілік орталығы Нарынқол ауылы болатын Райымбек ауданы әкімшілік-аумақтық бірліктерін құруға;

2.Қазақстан Республикасының Үкiметi осы Жарлықтың 1-тармағын iске асыру жөнiнде қажеттi шараларды қабылдауға;

3.Осы Жарлық алғашқы ресми жарияланған күнінен бастап қолданысқа енгізілсін деп қаулы етемін»,— делінген.

 

ЖАУАП ҚАЛДЫРУ

Пікіріңізді енгізіңіз!
Атыңызды енгізіңіз