2018 жылы ғарыш саласын дамытуға Қазақстан 13,1 млрд теңге жұмсайды. 2017 жылы аталған бағдарламаларға жалпы 24,5 млрд теңге бөлінеді деп жоспарланған болатын. Нәтижесінде бұл сома 46,5 пайызға қысқарды. Министрліктің хабарламасында: «Бұл қысқартулар «Ғарыштық аппараттарды құрастыру-сынау кешенін жасау», «Апаттар мен төтенше жағдайлар кезінде шұғыл байланысқа шығуға көмектесетін ақпараттық жүйе құру» және «Ғылыми-технологиялық мақсаттарға арналған ғарыштық жүйе құрастыру» сынды ірі ғарыш жобаларының толықтай жүзеге асырылып бітуімен байланысты жүреді. Өткен жылы аталған жобаларды іске асыру барысында технологиялық құрал-жабдықтар, құрастыру-монтаждау, технологиялық инфрақұрылым жасап шығару және т.б. жұмыстар жасалған-ды»,— делінген.

ЖАУАП ҚАЛДЫРУ

Пікіріңізді енгізіңіз!
Атыңызды енгізіңіз