Үкімет отырысында нөлінші сыныпты енгізудің неліктен 2020 жылға ауыстырылғанын түсіндірген Білім және ғылым министрі Ерлан Сағадиев: «Елімізде жыл сайын 75 мың мұғалім біліктілік курсынан өтеді, 30 мың мұғалім кретериалды бағалау және оқытудың әдістері секілді тренерлік курстарынан өтеді.

Біздің алғашқы жоспарымызда нөлінші сыныпты 2019 жылда енгізу қойылған. Бірыңғай бағдарлама мен мұғалімдер кестесі дайын, оқулықтар сараптамадан өтті, бірақ олар бәрі кириллицамен жазылған. 400 мыңға жуық балаға нөлінші сыныптың жаңа оқулықтарын басу керек болып тұр. Латын әліпбиіне көшетін болған соң, оқулықтарды да біржола латынша басқан дұрыс деп есептейміз. Бұл ақша жағынан тиімді болады. Жаңа оқулықтарды сараптамадан, апробациядан өткізу, мұғалімдерді дайындау керек, сондықтан нөлінші сыныпқа 2020 жылы өтеміз»,— деді.

ЖАУАП ҚАЛДЫРУ

Пікіріңізді енгізіңіз!
Атыңызды енгізіңіз