Құрметті әріптестер, мерекелеріңіз құтты болсын!
Журналистиканың саяси, қоғамдық және рухани өміріміздегі орны ерекше екені даусыз. Қазір газет-журналдардың, тіпті теледидардың да маңызы біршама төмендегендей көрінгенімен, бұл олардың болашағы жоқ дегенді білдірмейді. Керісінше, дамушы мемлекеттерде баспасөздің беделі артып келеді – бұл біз үшін үлкен үміт пен сенім. Журналист болу, газет шығару оңай іс емес. Журналистерді «төртінші билік иелері» деп атайды, себебі олар тек өз мамандығы аясында қалып қоймай, қоғам қайраткері ретінде елге, мемлекетке, ұлтқа өлшеусіз үлес қосады. Халық оларды құрмет тұтып, қажет кезде қорғанышындай көреді.
Жыл он екі айда бір келіп серпілтіп, көңілімізді көтеретін төл мерекеміз құтты болсын! Бұл мереке – біз үшін рухани серпіліс, шығармашылыққа шабыт беретін ерекше күн. Барша әріптестерге мықты денсаулық, сарқылмас шабыт және шығармашылық табыс тілейміз!
