АИ-92 бензині неге арзандамайды?

ОКҚ-да өткен брифингте журналистердің жанармай туралы қойған сауалына Энергетика министрі Болат Ақшолақов: «АИ-92 бензині бойынша бағаны сақтап қалдық. Қазіргі басты міндет – осы баға деңгейін ұстап тұру. Кейбір өңірлерге бағаны 187 теңге деп белгілеуге тура келді. Неге екенін түсіндірейін. Елімізде мұнай өңдеу зауыттарынан барынша қашықта орналасқан шалғай өңірлер бар, жанар-жағармайды, оның ішінде бензинді тек автотасымалдаушылар жеткізетін өңірлер де бар. Яғни ол жақтарда теміржолдар жоқ. Мысалы, ШҚО-да. Біз мұндай жекелеген өңірлерде шығынсыз жеткізуге мүмкіндік беру үшін қосымша баға 187 теңге деңгейіне дейін көтеріледі деп келістік. Сонымен, 92-бензин құнын төмендету міндеті қазір қажет емес», – деп жауап берді.