Альварес 4 белбеуді біріктірді

Лас-Вегастағы (Невада, АҚШ) MGM Grand аренада 31 жастағы мексикалық боксшы Сауль «Канело» Альварес өзінен екі жас кіші америкалық Калеб Плантпен жекпе-жек өткізді. «Канело» өзінен. Екеуі «Канелоның» WBA, WBC және WBO чемпиондық белбеулері мен Планттың IBF титулдарын бәске тікті.  12 раундтық жекпе-жек соңына дейін жетпеді. Альварес бірінші раундтан бастап үстемдік етіп, 11-і раундта алдымен Плантты нокдаунға жіберіп, артынша нокаутқа түсірді.  Осылайша, Альварес супер орта салмақтағы абсолютті әлем чемпионы атанды. Бұл оның қатарынан сегізінші жекпе-жегіндегі жеңісі болатын. Ол соңғы рет 2017 жылдың қыркүйегінде қазақстандық Геннадий Головкинмен (41-1-1, 36 КО) алғашқы жекпе-жегін тең өткізген кезде рингтен жеңіліп қайтқан-ды. Бұл – мексикалықтың карьерасындағы 57-і жеңіс, оның 39-ы мерзімінен бұрын аяқталған. Плант болса, өз спорттық мансабында алғаш рет жеңілістің ащы дәмін татты. Ол бұған дейін 21 рет жеңген.  Айта кетерлігі «Канело» жекпе-жек алдында GGG 76,2 келіге дейінгі супер орташа салмаққа көтерілсе, онымен үшінші жекпе-жек өткізуге дайын екенін мәлімдеген болатын.