Суреттегі күліп тұрған бұл кісі – Екінші Дүниежүзілік соғыстың ең таңдаулы мергені, атақты снайпер, 1077-інші (кейіннен 30-гвардиялық) атқыштар полкінің, 8-гвардиялық атқыштар дивизиясының, Калинин майданының жауынгері, гвардия аға сержанты Төлеуғали Насырханұлы Әбдібеков (1916-23.02.1944). Қолында СВТ-40 винтовкасы.
Тарихи фотосурет РФ goskatalog.ru сайтынан, оның ішінде «Орталық майдан, 1942-1943 жж., Совет құрлық әскерлері» санаты бойынша табылды. Түсірілген уақыты: 1942 жыл. Авторы – Владимир Гребнев. Қазақстан ФБ сегментінде алғаш рет жарияланып отыр.
Фотосуретте қазақтың әйгілі снайпері Төлеуғали Әбдібековтің табиғи ортада әскери міндетін атқару сәті бейнеленген. Ол арнайы маскировкамен жабдықталған әскери дулыға киіп, жайлы жерге жасырынып, винтовкамен нысананы көздеп жатыр. Оның жүзінен батылдық пен сенімділік сезіледі, сондай-ақ күлімсіреген келбеті жауынгердің рухы биік екенін көрсетеді. Қоршаған ортада өсімдіктер мен бұталар көп, бұл оның жақсы жасырынғанын және снайперлік міндетін орындауға дайын екендігін білдіреді.
