Бұл — саудың асын ішіп, жындының сөзін сөйлеу

    Бүгін Алматы қалалық сотының баспасөз қызметі бес адамды опат қылған борышкердің ісіне қатысты түсініктеме берді. Белгілі адвокат Жохар Өтебеков: «Мен Алматы қалалық сотының пресс-релизін түсінбедім! Үйден күштеп шығару кезінде бес адам өлді. Адвокаттар кінәлі ме? Шешімді сот шығарды. Адамдарды үйінен айырған – сот. Жарты бағасына саудаланғаны сотқа дұрыс көрінген. Енді өкілдері кінәлі ме? Жөн екен. Бұл саудың асын ішіп, жындының сөзін сөйлеу ғой», – деп жазды әлеуметтік желідегі парақшасында.