Димаш Құдайбергенге және Dears-ке арналған La Era Dimash радиостанциясы Антарктидаға жетті. Бұл туралы радио жүргізушілеріне берген сұхбатында «Эсперанза» ғылыми-зерттеу станциясының қызметкерлері айтты. La Era Dimash-тың жасаушылары Аргентинада өз радиосын енді ғана іске қосқан кезде қазақстандық әншінің дауысы жер шарының әр түкпірінде естілуін қалады. «Радиостанция алғаш рет эфирге шыққанда біз өзімізді өте бақытты сезіндік. Күн сайын La Era Dimash бағдарламасы көрсетілген елдердің тізімі көбеюде. Олардың арасында бұрын естімегендері де болды. Енді екі жылдан кейін біздің радио 96 елде хабар таратады», – деді радиостанцияның басшысы Паола Профета.
