Нұр-Сұлтан қалалық Қоғамдық денсаулық сақтау басқармасының басшысы Тимур Мұратовтың мәліметіне қарағанда қазір елорда тұрғындарының арасында екпе алғандардың саны көрнекті дәрежеде артқан.
«Қазір қаламызда екпенің алғашқы компонентін 527 мыңнан астам адам қабылдады. 495 мыңнан астам қала тұрғыны толық иммундаудан. Ал 58 мыңнан астам адам ревакцинациядан өтті. Бұл ұжымдық иммунитет. Екпе алған адам кез-келген жағдайда вирусты оңай өткереді. Енді екі жылдың алдындағыдай оттегінің жетіспеушілігінен зардап шекпейді. Адам денсаулығына қатер төндіретіндей қауіп жоқ. Бұрын дәрігерсіз, ИВЛ аппараттарынсыз жағдайымыз мүшкіл еді. Қазір мұндай қажеттілік азайды. Бұл иммунитет қалыптасқанын білдіреді. Осыған дейін қалыптасқан (вакцинацияланған) иммунитет Омикронды бірден таныған жоқ, бірақ оның да дайындығы бар. Иммунитет вирусты жеңіл түрде тасымалдауға мүмкіндік беретін антиденелер шығарады. Қазір стационарларда жатқан науқастардың 60%-ы екпе алмаған және бұрын ауырмаған. Вакцинацияланған адам да жұқтыруы мүмкін, бірақ оның реанимация төсегінде жатуы екіталай. Ковидтен толығымен құтылу үшін вакцинаның 1-2 инъекциясын алған дұрыс. Бәріңізді вакцинациядан және ревакцинациядан өтуге шақырамын. Бұл өзіңіздің әрі айналаңыздағы жұрттың денсаулығы үшін маңызды», – деді Тимур Мұратов.
