АӨІСШК Сыртқы істер министрлерінің 6-шы кездесуінде министрлер Ауғанстанға қатысты мәлімдеме жасады. Мәселен Ресей Сыртқы істер министрі Сергей Лавров: «НАТО-лықтардың мерзімінен бұрын кетіп қалуы ауған қарама-қайшылығын одан ары ушықтырып жіберді. Елде өте көп қару-жарақ пен әскери техника қалып отыр. Ал олардың деструктивті мақсатта қолданылмауы өте маңызды. Тәлібтер есірткі трафигімен және лаңкестікпен күресуге ниетті екенін, көрші мемлекеттерде тұрақсыздықтың орын алуына себепкер болмайтынын, инклюзивті Үкімет құруға тырысатынын мәлімдеді. Ең бастысы – осы уәделердің орындалуы. Өтпелі кезең қалай тезірек аяқталса, Ауғанстан соғұрлым жылдам өңіраралық процестерге, өзара байланыс процестеріне қосылады. Сол арқылы елдің өркендеу жолына түскендігін ертерек атап өтуге мүмкіндік туады», – деді.
