Ерзат – жекпе-жектен әлем чемпионы

ШҚО ТЖД баспасөз қызметі «Instagram»-да: «Өскемен өрт сөндіру бөлімінің жүргізушісі Ерзат Сақабанов жекпе-жектен әлем чемпионы атанды. Алматыда өткен додаға 17 елдің спортшылары қатысқан. Ерзат Сакабанов 57 келі салмақта өнер көрсетті, ол жақында ғана Азия чемпионы атанған еді. Спортшы Өскемендегі №9 өрт сөндіру бөлімінде жұмыс істейді. Жекпе-жек оңай болған жоқ. Ешкім өліспей беріспек емес. Алайда басымдық Ерзат Сабакановта болды», – деп жазды.  Айта кетерлігі осы жолы өткен жекпе-жек  – грэпплинг, джиу-джитсу, еркін күрес және каратэнің арасынан шыққан дара спорт түрі.