Иран өлім жазасын атқарды

Иран өлім жазасын атқарды

Иран билігі биылғы қыркүйектен бері жалғасып келе жатқан наразылықтар кезінде «бүлік тудырған қылмыскерлердің» алдын өлім жазасына кесті. Сотталғандардың арасында алғаш рет 8 желтоқсан күні 23 жастағы Мохсен Шекари атты жігіт сот үкімімен жазаға тартылды. Мохсен Шекари 25 қыркүйекте тұтқындалған екен. Иранның ресми ақпарат көздерінің хабарлауынша, Шекари, Махса Аминидың өлімінен кейін елде басталған жаппай наразылық акциялары кезінде Тегеран (Теһран) қаласының «Саттархан көшесін жауып тастауға әрекет еткен, әрі полиция қызметкерін пышақтаған» көрінеді. Иранның Жоғарғы соты оған «Қорқыныш пен үрей тудырып, адамдарды бостандығы мен қауіпсіздігінен айырған, Құдайға қарсы шыққан» деген айыптар тағып, 2022 жылы 20 қараша күні өлім жазасына кесіп, арада 18 күн өткен соң жаза атқарылды. 

Соттың үкімі шыққаннан кейін Біріккен Ұлттар Ұйымының адам құқықтары жөніндегі сарапшылары Иранды шерулер кезінде тұтқындалған адамдарды өлім жазасына кесуді тоқтатуға шақырды. Алайда Иран билігі «елдегі бүліктердің артында АҚШ бастаған державалар тұр» деген көзқарастарынан танбайтындығын мәлімдеп, сот үкімдерін өзгеріссіз қалдырды. 

«Amnesty International» ұйымы желтоқсанның басында Иранда наразылықтарға байланысты кемінде 28 адам өлім жазасына кесілуі мүмкін екенін ескертіп, «(Иран) билігі халық көтерілістерін тоқтату үшін өлім жазасын саяси қуғын-сүргін құралы ретінде пайдаланып жатыр» деп мәлімдеді.

Иранның сот билігінің басшысы Ғолам-Хоссейн Мохсени-Эджей осы аптаның басында Жоғарғы соттың бұған дейін наразылықтармен байланысты «сыбайлас жемқорлықтың орын алғандығын, Құдайға қарсы шыққандардың бар екендігін» айта келіп, оларға өлім жазасы немесе «жартылай өлім жазасы» тағайындалатындығын мәлімдеген болатын. Әлемдік БАҚ-тарды дүр сілкіндірген бұл мәлімдемеден кейін көптеген елдер Иранды райынан қайтуға шақырды. Алайда атқарушы билік көнген жоқ. «Әл-жазира» сайтындағы ақпаратқа қарағанда, шерулер кезінде тұтқындалғандардан қазірге дейін тағы да бес адамға өлім жазасы тағайындалған. 11 адам ұзақ мерзімге бас бостандығынан айыру жазасына кесілген. Оның ішінде үш бала бар көрінеді. Осымен қатар «Изараильдың барлау қызметіне сатылды» деген айып тағылған төрт адамға да өлім жазасы тағайындалған.

 

Ерқазы СЕЙТҚАЛИ
19.12.2022

Ұқсас жаңалықтар

МҰХАММЕДСАБЫР ЖОЛДАМАҒА ЖАҚЫНДАЙ ТҮСТІ
Түркістан облысы әкімінің баспасөз қызметі - 29.06.2024 1227
ШАРДАРА СПОРТШЫЛАРЫ ТОП ЖАРДЫ
Түркістан облысы әкімінің баспасөз қызметі - 21.06.2024 37
ТҮРКІСТАН: КЕНТАУ ҚАЛАСЫНЫҢ ӘКІМІ «АЛТЫН БЕЛГІ» ИЕГЕРЛЕРІМЕН КЕЗДЕСТІ
Түркістан облысы әкімінің баспасөз қызметі - 21.06.2024 28
ТҮРКІСТАН ОБЛЫСЫНДА «ТАЗА ҚАЗАҚСТАН» ЭКОАКЦИЯСЫ АЯСЫНДА БИЫЛ 2400-ГЕ ЖУЫҚ ІС-ШАРА ӨТЕДІ
Түркістан облысының Өңірлік коммуникациялар қызметі - 21.06.2024 23
ТҮРКІСТАН ОБЛЫСЫНДА 2 МЫҢНАН АСТАМ АДАМ ҚАРЖЫЛЫҚ ПИРАМИДАЛАРДЫҢ ҚҰРБАНЫ БОЛҒАН
Түркістан облысының Өңірлік коммуникациялар қызметі - 21.06.2024 68

Топ жаңалықтар

1
«Балалық шаққа инвестиция» форумы не шешеді?
Show more
Жарқынай БАККУМЕК - 2024-06-14 802
2
Пәтер сатып алғанда абай болыңыз!
Show more
Аққу СӘЛІМБЕК - 2024-06-14 373
3
Алты алаштың басы қосылса, төр – мұғалімдікі
Show more
АҚҚУ СӘЛІМБЕК - 2024-06-12 1655
4
Ойынқұмарлық дендеп барады
Show more
Аққу СӘЛІМБЕК - 2024-06-10 1296
5
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 2444