Орта салмақтағы қазақстандық боксшы Әбілхан Аманқұл (2-0, 1 КО) кәсіпқой рингтегі екінші жекпе-жегінде жеңіске жетті. Ол Мехико қаласында осы жекпе-жекке дейін жеңілмеген Мексика өкілі Йессон Пачеко Сервантеспен (6-1, 3 КО) жұдырықтасты. Сегіз раундқа жоспарланған жекпе-жек екінші раундта аяқталды, қазақстандық боксшы қарсыласын ауыр нокаутқа түсірді.
Ал, екінші бір қазақстандық боксшы Бек Нұрмағанбет те (7-0, 5 КО) кәсіби рингтегі сегізінші жекпе-жегін өткізді. Ол Мехико қаласында (Мексика) өткен бокс кешінде жергілікті боксшы Лучано Араухомен (6-5-3, 3 КО) кездесті. Жекпежек супер орта салмақта өтіп, сегіз раундқа жоспарланған болатын. Бұл жекпе-жекте Нұрмағанбет екінші раундта техникалық нокаутпен жеңіске жетті. Осылайша, Бек Нұрмағанбет кәсіпқой бокстағы сегізінші жекпе-жегін де абыроймен аяқтады, ал Лучано Араухо мансабында алтыншы рет жеңіліске ұшырады. Нұрмағанбет өткен жылы WBA International тұжырымы бойынша супер орта салмақтағы титулды жеңіп алған болатын. 24 жастағы қазақстандық кәсіби деңгейде 2020 жылдан бері өнер көрсетіп келеді.
