Педофилдерге қатаң заң, қатаң жаза!

Педофилдерге қатаң заң,   қатаң жаза!

«Жылаған аналардың зары сай-сүйегіңді сырқыратады. Жас қыздың адам аузымен айтуға келмейтін айуандықпен мезгілсіз қаза табуы кеудеңе өксік тығады» деп ащы мақала жазған белгілі жазушы Қанат Әбілқайыр осы мәселе бойынша Президент Қ.Тоқаевқа 7 өткір сұрақ қояды. 

Иә, Жетісу облысы Панфилов ауданы Шолақай ауылындағы сұмдық оқиға бүкіл республиканы дүр сілкіндірді. Айуандықпен жасалған оқиғаның бүге-шігесі ғаламторда жазылды, Қанат Әбілқайырдың хаты да кеңінен талқыланды. Расында да педофилдер көбейіп барады. Қазақ халқында бұрын-соңды болмаған бұл зұлымдардың қазір көбейіп кеткені неліктен? Себеп-салдары айтылып, олар неге ауыздықталмайды? Заң әлсіз бе, әлде заң орындары бұған немқұрайлы қарап отыр ма? Президенттің өзі «Ондай қылмыскерлер барынша қатал жазаға лайық, оларға рақымшылық болмауы керек» деп кесіп айтты. Бірақ ол үкім заң жүзіне аспай тұр. 14 жасқа толмаған балаларға зорлық-зомбылық көрсеткені үшін 20 жылға дейін бас бостандығынан айыру немесе өмір бойы қамау жазасы көзделгенмен, әзірге ол әлі жүзеге асқан жоқ.

Статистикаға сүйенсек, елімізде 2000-дай педофил бар. Өткен жылы 50 педофил бостандыққа шыққан. Қазір күн сайын балаларды зорлау деректері көрініс беретіні дәлелденді. Халық үрейлі. Педофил қазақша айтқанда жынды адам. Ол да кезінде бала болған. Әлде тәрбиеміз дұрыс болмады ма, әлде қоғам әсер етті ме оған?

Педофил неғұрлым қараусыз, назардан тыс қалған балаларды аңдиды. Әрине, бұған әлеуметтік-тұрмыстық жағдайымыздың нашарлығы да әсер етеді. Ата-ана жұмыста болады. Мысалға, Құралай дәмханада (Шолақайдағы) жұмыс істепті. Ал біз мейрамханаларда, дәмханаларда жұмыс істеп жүрген 14-15 жастағы балаларды жиі көреміз. Арзан жұмыс қолы. Күнкөріс. Сабақтан соң барып, бір-екі мыңға жалданады. 

Жазушы Қанат Әбілқайырдың 7 ескертуі өте орынды айтылған. Сарапшылар да мұндай зұлымдықтарды тоқтатудың талай жолдарын айтып жүр. Әзірге ол айтылғандар ескерілмей тұр. Мысалға, жәбірленуші балалардың мұндайға өз еркімен барды деген сылтауымен педофилдердің қылмысы жеңілдетіледі екен. Ақша берді ме, қорқытты ма, ол жағы белгісіз. Мұндай жеңілдік жасалмауы тиіс! Бір қорқыныштысы зорланған әрбір екінші жасөспірім суицид жасауға әрекеттенеді. Неге? Бұл да зерттелуі тиіс.

Сонымен, елімізде етек жайған зұлымдықтарды қалай тоқтатамыз? Көптеген мемлекеттерде педофилдерге хирургиялық кастрация жасалады. Бұл, біздіңше, піштіру әдісі. Бәлкім осылай жасаған дұрыс болар. Тағы да елімізде мынадай әрекеттер жасалып жатыр. Жыл басында 330 педофилге электронды білезік тағуға бюджеттен 356 млн теңге бөлініпті. 2021 жылы 80 адамға білезік тағылған. Бірақ... Бірақ... Қылмыс өршімесе, бәсеңдер емес. Бұл мәселені Президентіміз өзі қолға алып, заңды қатайту керек. Тез, тез! Әйтпесе жылаған ата-аналар мен жәбірленуші балаларымыздың зары жалғаса бермек. 

Ертай АЙҒАЛИҰЛЫ
11.08.2022

Ұқсас жаңалықтар

Баянды бастамалар жылы – Берік Уәлимен сұхбат
Автор Гүлнұр Ғазизқызы, «ҚазАқпарат» Халықаралық ақпарат агенттігі - 28.12.2023 1023
ШЫМКЕНТТЕ 3 ЖЫЛДА 472 КӨШЕ ЖАРЫҚТАНДЫРЫЛДЫ
Шымкент қаласы әкімінің баспасөз қызметі - 25.07.2023 2898

Топ жаңалықтар

1
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 6373
2
Өркенді қала-қуатты өңірге жетелейді
Show more
Дахан Шөкшир - 2023-06-02 5701
3
Оразай би ҚОЖАГЕЛДІҰЛЫ. Әшімжанның әкесі.
Show more
Жанарбек Әшімжан ФБ парақшасынан - 2023-06-01 5941
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 5786
5
Өміріңді сақтандыр, өкінбейсің!
Show more
Тілеуберді САХАБА, Павлодар облысы - 2023-05-31 5669