Қазақтың жоғалтқанын кім түгендейді?

Қазақтың жоғалтқанын кім түгендейді?

Қазақтың жоғалтқаны көп. Өте кө-өп! Оған саусақ түгілі, шашың да жетпейді. Басқа-басқа, ХХ ғасырда қырылған үстіне қырылдық. Қазақтың қырылған санын біреу 5 млн дейді, біреу 10 млн дейді. Жан шошырлық сан. Аштық, репрессия, соғыс! Желтоқсан, Жаңаөзен көтерілістері де бізге оңайға соққан жоқ. Бірақ ақиқат ашылмай тұр. Соңғы Қаңтар оқиғасы да талай қазақты алып кетті. Бұл әрбіріне баға жетпейтін қазағымыздың көрген құқайы. Ол құқайды жасаған кім? Әрине, осы кезге дейін жабысып айырылмай келе жатқан орыс деген көршіміз.

«Айта-айта Алтайды...» дегендей, бұл шындық мың сан рет айтылды да, жазылды да. Біздің қазағымыз қызық халық. Бір замандары рухы мұхиттай толқып, буырқанып, бұрсанса, енді бірде доңғалақтарының желі шыққан көліктей қисайып, қыңырайып қалады. Осындай шақтың аңысын аңдып отырған сыртқы, ішкі жау тарпа бас салады. Рух жоқ жерде бірлік, ынтымақ жоқ. Осындайда қазақ әркімнің мазағына айналады. Дұшпандарымыз ошақтың үш бұты сияқты дін, тіл, жеріміздің ту-талақайын шығарып, өшіруге, жоюға тырысты. Тұтастай жоғалтуға шамасы жетпеді. Алайда барынша әлсіретті. Тәуелсіздігіміз келгеннен соң бәрі жөнделеді, қуаттанады деген үмітіміз жанбады. Назарбаев рухтың шақпақ тасы – дін мен тіліміздің басын көтертпей, үнемі небір қитұрқылық әрекеттер жасады. Түкке тұрғысыз бағдарламалар жасады. «Қазақтың жауы – қазақ» демекші, оның дінінің, тілінің қас жауы НӘН және оның құйыршықтары болды. Талай жерімізді өзгелерге беріп жіберді. Әлі де солардың қолында. Қазақтың 30 жылда №1 жоғалтқаны осы.

Рухани қазынасының жоғалтқан рухсыз қазақ экономикалық тұрғыдан да жоғалтқандары жетерлік еді. Олардың ең бастыларының бір жерасты қазына-байлықты НӘН-дер тонап, қалтасына басты. Халық кедейшілікке, жоқшылыққа ұшырады. Ең басты рухани нәубет – халықтың азғындауы, тозғындауы. Қыздарымыз жезөкшелікке, ұлдарымыз құл болуға бейімделді. Өз сәбиін күл-қоқысқа лақтырып тастайтындар көбейді. Есірткі, арақ, темекі жастарымыздың тамырын уландырды. Кім көрінгеннің етегінен ұстап шетел асқан сұлу қыздарымыздың, шетелге сатылып кеткен мыңдаған жетімектердің обалы кімге?

Жаңа Қазақстан, Әділетті Қазақстан осы жоғалтқандарымызды түгендегенде ғана аттарына сай болмақ. Қазіргі билік пен қазіргі жүйеге халық сенімсіз қарайды. Бабаларымыздың аманатына қиянат жасап жатқан бүгінгі ұрпақ алдымен ұлттық идеологияны қалыптастырмаса, бәрі бекер. Президент сайлауына дайындық басталды. Егерде халықтың сенімінен шықпасаң, 10 млн теңгені, ей, үміткер, босқа шашпа! Егер еліңнің нағыз азаматы, ұлтшыл қазақ болсаң ғана ол үдеден шығасың. Иә, жоғалтқанымызды түгендейтін бір баһадүр бар ма екен?

Ертай АЙҒАЛИҰЛЫ
07.10.2022

Ұқсас жаңалықтар

МҰХАММЕДСАБЫР ЖОЛДАМАҒА ЖАҚЫНДАЙ ТҮСТІ
Түркістан облысы әкімінің баспасөз қызметі - 29.06.2024 871
ТҮРКІСТАННЫҢ ҚОС СПОРТШЫСЫ АЗИЯ ЧЕМПИОНЫ АТАНДЫ
Түркістан облысы әкімінің баспасөз қызметі - 15.06.2024 13
ТҮРКІСТАН ОБЛЫСЫНДА 77 МЫҢҒА ЖУЫҚ ОҚУШЫҒА АТТЕСТАТ ТАБЫСТАЛДЫ
Түркістан облысы әкімінің баспасөз қызметі - 15.06.2024 84
ТӨЛЕБИДЕ ДЗЮДО КҮРЕСІНЕН РЕСПУБЛИКАЛЫҚ ЖАРЫС БАСТАЛДЫ
Түркістан облысы әкімінің баспасөз қызметі - 15.06.2024 74

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 2236
2
Өркенді қала-қуатты өңірге жетелейді
Show more
Дахан Шөкшир - 2023-06-02 8262
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 12144
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 8305
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 8470