Ақтауда спорттық және жауынгерлік самбодан ашық Азия кубогы аяқталды. Байрақты бәсекеге 13-тен астам елден келген 200 спортшы қатысты. Жарыс Мәдениет және спорт министрлігі мен Қазақстан самбо федерациясының төрағалығымен алғаш рет өтті. Бозкілемде ондаған әлем чемпиондары мен құрлықтық турнир жеңімпаздары сынға түсті. Нәтижесінде спорттық самбодан Есентай Имаханов 64 келі салмақта 1-орын, Елдар Бейсембаев 88 келі салмақта 2-орын, жауынгерлік самбодан Маратбек Рахметоллин 64 келі салмақта 3-орын, Бақытжан Дүйсембеков 79 келі салмақта 1-орын, Асылбек Смаилов 79 кг салмақта 2- орын, Дамир Секен +98 келі салмақта 3- орын иеленді. Ерекше атап өтерлігі, ашық Азия кубогындаАбай облысының спортшылары сәтті өнер көрсетті.
