Шаруалар өз өнімдерін егін басынан сатуға мәжбүр

Шаруалар өз өнімдерін егін басынан сатуға мәжбүр

  Реформалар жөніндегі жоғары кеңестің отырысында Мемлекет басшысы Қасым-Жомарт Тоқаев азық-түлік бағасы мәселесін көтеріп, өндіруші мен тұтынушы арасындағы делдалдарды азайтуды тапсырды. Кеңесте бұл мәселе бойынша Сауда және интеграция министрі Бақыт Сұлтанов баяндама жасады. Президент елде өндіріс бар болғанымен, оны ұйымдастыру, алынған өнімді сақтау және өткізу жүйесі дұрыс жолға қойылмағанын атады. Оның дәлелі ретінде биыл азық-түлік бағасының құбылуы бекітілген межеден алшақтап кеткенін атады. «Шұғыл шаралар, бағаға қойылған бақылау нарықтық экономиканың іргелі қағидаттарын алмастыра алмайтыны белгілі. Жүйелі шаралар керек. Сондықтан ұлттық тауар өткізу жүйесін қалыптастыру аталған жұмыстың маңызды құраушы бөлігі болып табылады. Көтерме-тарату орталықтары және олардың стандарттау, тауардың тұрақты жеткізілуін қамтамасыз ету жөніндегі жұмыстары өндірушілердің, соның ішінде шағын бизнес өкілдері кооперациясының маңызды элементтерінің бірі болуға тиіс», – деген мемлекет басшысы бағаны реттеу шаралары ауылдағы жеке қосалқы шаруашылықпен айналысатын адамдарға кесірін тигізбеуі керектігін ескертті. «Бүгінде мұндай кәсіп иелерін экономикалық айналымға тарту жұмыстары мардымсыз жүргізілуде. Сонымен қатар олар өз өнімдерін егін басынан сатуға мәжбүр болып отыр. Көтерме-тарату орталықтарының тағы бір міндеті – «егіс басынан сөреге» дейінгі жолдағы қажетсіз делдалдарды жою. Халық үшін азық-түліктің қолжетімді бағада болуын іс жүзінде ретке келтіру қажет», – деді Қасым-Жомарт Тоқаев.

Ермек Сахариев
27.09.2021

Ұқсас жаңалықтар

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 358
2
Өркенді қала-қуатты өңірге жетелейді
Show more
Дахан Шөкшир - 2023-06-02 6464
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8172
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6543
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6679