Спорт кешенінде  жаңа зал

Спорт кешенінде жаңа зал

Орал қаласындағы отбасылық спорт кешенінде жаңа фитнес залы ашылып, бұл дене шынықтырумен белсенді айналысатын қала тұрғындары үшін жақсы мүмкіндік болды.  

Соңғы үлгідегі жаттығу құрылымдарымен жабдықталған фитнес орталығы «Omega sports» кешенінде орналасқан. Залдың ашылуына арналған салтанатты іс-шараға Орал қаласы әкімінің орынбасары Ерлан Ғалиев қатысып, спортты серік еткен тұрғындарды құттықтады. 

– Мемлекет тарапынан бұқаралық спорттың  дамуына ерекше көңіл бөлініп келеді. Биылдың  өзінде 20 спорттық  алаң пайдалануға беріліп отыр. Кәсіпкерлеріміз де бұл бағытта қолдау көрсетуде. Қазіргі уақытта  облыс орталығының әр аумағында спорт нысандары жұмыс жасап тұр. Яғни  тұрғындарға қолжетімділік қамтамасыз етілуде. Жас ұрпақтың спортпен шұғылдануына бар мүмкіндік жасалуда, – деген Ерлан Ерсайынұлы оралдықтарға керемет сый жасаған кәсіпкерлерге алғысын жеткізді.    

«Omega sports» – отбасылық спорт кешені. Мұнда екі айлық сәбиден бастап, ересектер мен егде жастағылар үшін де жаттығу түрлері  ұйымдастырылған. Жыл басында пайдалануға берілген кешенде футбол алаңы мен бассейн және жаттығу залдары жұмыс жасайды. Аумағы 3000 шаршы метрлік  кешен бүгінгі күні толығымен жұмыс жасауға көшті. Ал жаңа ашылған фитнес орталық екі залдан тұрады. Төменгі қабатта орналасқан 600 шаршы метрлік залға соңғы үлгідегі жаттығу құрылымдары қойылған. Ал екінші қабатта аэробты зал бар. Спорт кешенінің директоры Венера Борашеваның айтуынша, күш жаттығулары жүргізілетіндіктен, фитнес орталыққа 16 жастан асқандарға ғана кіруге рұқсат етіледі. 

– Кешенді ашу кезінде отбасылық орталық құруды мақсат еттік. Әр адамға өздеріне қажетті жаттығуды таңдай алуына мүмкіндік жасадық. Олар жекелей жаттықтырушылармен жұмыс жасай алады. Мүмкіндігі шектеулі  балалармен жұмыс жасайтын «Бәйтерек» бірлестігімен келісімшартымыз бар. Олар бізге балаларын әкеліп, жеңілдікпен жаттығуларға қатыстырады, – дейді кешен басшысы. 

Фитнес залда әзірге алты жаттықтырушы жұмыс жасайды. Болашақта олардың санын көбейту жоспарда бар. Қазіргі уақытта кешенде отыз шақты азамат жұмыспен қамтылып отыр.

Ләззат ҚАЖЫМОВА, БҚО, Орал қаласы
21.10.2021

Ұқсас жаңалықтар

Топ жаңалықтар

1
Тәуелсіздік тұғыры орнаған 30 жылда Маңғыстауда балабақшалар саны 3 есе артты
Show more
- 2021-12-03 32
2
Жамбыл ауданының әкімі ҚР Парламенті Сенатының тыңдауында баяндама жасады
Show more
Жамбыл ауданы әкімдігінің баспасөз қызметі - 2021-12-03 62
3
«Жуалы жайсаңдары» аудандық жастар сыйлығының иегерлері анықталды
Show more
Жуалы аудан әкімдігі - 2021-12-03 52
4
САРЫСУҒА «PFIZER» ВАКЦИНАСЫНЫҢ 300 ДОЗАСЫ КЕЛДІ
Show more
Сарысу ауданы әкімінің Баспасөз қызметі - 2021-12-03 46
5
Дінмұхаммед жаңа жылды жаңа үйде қарсы алады
Show more
Жамбыл ауданы әкімдігінің баспасөз қызметі - 2021-12-03 65