Қазақстандық теннисші Анна Данилина жұптық сында Дубайдағы ITF W 100 турнирінің жеңімпазы атанды. Осы жарыстың 1-ші ракеткалары болып тіркелген А.Данилина мен словакиялық Виктория Кузьмова финалда ресейліктер Ангелина Габуева – Анастасия Захаровамен бас жүлдені сарапқа салды. Бірінші партияда ресейлік жұп басымдық танытты – 6:4. Екіншісінде А.Данилина мен В.Кузьмова қарымта қайырды – 6:3. Шешуші үшінші супер тай-брейкте жеңісті жұлып алды – 10:2. Тартысты бәсеке 1 сағат 27 минутқа созылды. Осылайша А.Данилина жұптық сында тағы бір титулына қол жеткізді.
