UFC ұйымында өнер көрсететін қазақстандық спортшы Сергей Морозов (17-6) Хьюстонда (Техас штаты, АҚШ) өткен UFC 271 турнирінде қарсыласына есе жіберіп, жеңіліп қалды. Бұл жеңілісіне қарамастан ақтөбелік спортшы промоушеннен аса қомақты мөлшерде сыйақы алды. Морозов пен бразилиялық Дуглас Силва де Андраде (28-4-0-1) арасындағы айқас турнирдің ең үздік жекпе-жегі деп танылды. Сондықтан да екі файтер де UFC-ден қосымша сыйақы ретінде 50 мың доллар (21,5 миллион теңге) алды. Айта кетерлігі, Морозов UFC ұйымында өткізген үш жекпе-жегінде осымен екінші рет жеңіліп отыр. Ол екінші раундта Дугластың қылқындыру әдісіне түсіп қалды.
