Жүкембаев Альваресті нокаутқа жіберді

Қазақстандық кәсіпқой боксшы Батыр Жүкембаев (19-1, 15 КО) мексикалық Хуан Хосе Мартинес Альваресті 69 секундта нокаутпен жеңді. Бұл кездесу Монреальда өтті. Жекпе-жек алты раундқа есептелген болатын, бірақ Батырға 1 минут уақыт жеткілікті болды. Қазақстандық боксшы қарсыласына бірден қысым жасап, кездесу бастала сала қарсыласына ауыр соққыларын жұмсады. Оның бірі нокдаунмен аяқталды, бірақ қарсылас кездесуді жалғастыра алды.  Жүкембаев шабуылдарын жалғастырып, ұрыс қарқынын үдете түсті. Мартинес Батырдың қарша бораған соққыларына төтеп бере алмағандықтан, төреші амалсыздан жекпе-жекті тоқтатуға мәжбүр болды.