12-і қаңтарда барлық автобус маршруттары іске қосылады

Алматы әкімдігінің хабарлауынша, 12 қаңтардан бастап Алматыда барлық маршрут, оның ішінде қала маңы маршруттары да жолға шығады.  Төтенше жағдайға байланысты жұмыс кестесі қалалық маршруттар үшін таңғы сағат 08:00-ден кешкі сағат 20:00-ге дейін, ал қала маңы маршруттары таңғы сағат 09:00-ден кешкі сағат 18:00-ге дейін жұмыс істейді. Жұмыс демалыс күндердің кестесімен жүргізілетіндіктен, жүріс интервалы 30-40 минут. 11-і қаңтарда қала көшелеріне 41 бағыт бойынша 500-ден астам автобус шықты. Мына автобус бағдарлары жолаушы тасымалдап жатыр: 34, 118, 38, 38а, 205, 206, 16, 11, 128, 141, 65, 56, 63, 63а, 77, 79, 92, 2, 12, 55, 32, 5, 5а, 86, 59, 44, 119, 4, 95, 8, 98, 18, 19, 99, 7, 57, 112, 126, 60, 22, 62. Бүгін қоғамдық көлік 20-30 минутта бір жүреді.