Қазақстанда 2022 жылғы 1 қаңтардан бастап әлеуметтік кәсіпкерлік туралы заң жобасы күшіне енді. Орталық коммуникациялар қызметінде баспасөз мәслихатында «Әлеуметтік кәсіпкер» мәртебесіне ие болған бизнесмендерге қандай жеңілдіктер жасалатынын айтқан Ұлттық экономика министрлігі саясат және кәсіпкерлікті дамыту департаментінің директоры Эрик Жамбылов: «Әлеуметтік кәсіпкерлік кәсіп иесінің кірісін молайтуды көздемейді, оның мақсаты — қызмет көрсету және тауар өндіру арқылы қоғамдағы әлеуметтік проблемаларды шешу. Қазақстанда әлеуметтік кәсіпкерлікті қолдау үшін бірқатар ынталандырушы шара бар. Мәселен, ерекше қажеттілігі бар қызметкерлер саны 51 пайызға жететін ұйымдар корпоративтік табыс салығынан, әлеуметтік және жер салықтарынан босатылады. Сондай-ақ мүлікке салық салу кезінде жеңілдіктер жасалады. Әлеуметтік кәсіпкер атанудың шарттарының бірі – халықтың әлеуметтік осал топтарын жұмысқа тарту. Атап айтқанда, ерекше қажеттілігі бар адамдар, егде жастағы және зейнет жасына жақындаған адамдар, түрмеден босап шыққандар, жетім балалар және тағы басқалары. Қаңтар айынан бері республикада тек екі әлеуметтік кәсіпкер тіркелген. Екеуі де – Қарағанды облысында. Бірақ әр тоқсан сайын реестр жаңарады. Өңірлік комиссиялар әлеуметтік кәсіпкерлік субъектілерінің өтінішін қарап, ұлттық экономика министрлігіне өткізеді. Кейін ведомство оларды реестрге тіркейді. Әлеуметтік кәсіпкерлікке қосымша ақша бөлінбейді. тінін атап өтті. Қаржы бизнесті қолдаудың қолданыстағы тетіктері аясында қарастырылып қойған. Айта кетері, бүгінде Ұлыбритания, АҚШ, Оңтүстік Корея елдерінде аталған салаға қатысты жұмыстар жақсы жолға қойылған»,— деп атап өтті.
