Әлихан Смайылов БАҚ туралы жаңа заңды жұртшылықпен, сарапшылармен және журналистермен кеңінен талқылауды тапсырды

Әлихан Смайылов БАҚ туралы жаңа заңды жұртшылықпен, сарапшылармен және журналистермен кеңінен талқылауды тапсырды

ҚР Үкіметінің кезекті отырысында бұқаралық ақпарат құралдарын дамытудың негізгі тәсілдері қаралды, ол туралы ҚР Ақпарат және қоғамдық даму министрі Асқар Омаров баяндады.

Оның айтуынша, бүгінгі таңда елімізде 5 мыңнан астам БАҚ тіркелген және жыл сайын олардың саны белсенді түрде көбейіп келеді.

АҚДМ басшысы Президенттің Қазақстан халқына Жолдауы аясында берілген тапсырмаға сәйкес БАҚ саласындағы заңнаманы жетілдіру бойынша жұмыстар жүргізіліп жатқанын хабарлады. Қазіргі уақытта журналистік қоғамдастықпен бірлесіп жұмыс тобы құрылды, сондай-ақ БАҚ туралы заңды жетілдіру бойынша кешенді жұмыс жүргізіліп жатыр.

Сонымен қатар А. Омаров ведомствоның саланың кадрлық әлеуетін арттыруға ерекше назар аударатынын атап өтті. Осы мақсатта медиа саласының мамандарын оқыту бойынша 2020-2021 жылдарға арналған арнайы жоспар әзірленіп, іске асырылды. Арнайы жоспарды жүзеге асыру барысында салалық журналистерді даярлау бойынша ЖОО-мен меморандумдарға қол қойылды, мультимедиалық білім беру-ақпараттық платформаcы және т. б. іске қосылды.

ҚР Премьер-Министрі қоғамдық пікірді қалыптастыруда бұқаралық ақпарат құралдары ерекше рөл атқаратынын атап өтті.

Сондықтан мемлекет пен халық арасындағы тиімді байланыс құралы болуы үшін баспасөзге оңтайлы жағдай жасау – маңызды мәселе.

Мемлекет басшысы халыққа Жолдауында бұқаралық ақпарат құралдары бәсекеге қабілетті және тәуелсіз болуы тиіс екенін атап көрсетті.

«Осыған байланысты әзірленіп жатқан «Бұқаралық ақпарат құралдары туралы» заң жобасы мемлекеттің мүдделерін, қоғамның сұранысын және медиа саланың даму үрдістерін ескеруі тиіс. Заң жобасындағы жаңалықтарды үкіметтік емес ұйымдарды, жұртшылықты, сарапшылар мен журналистерді қатыстыра отырып, кеңінен талқылауға шығару қажет», — деп Ә.Смайылов құжатты осы жылдың соңына дейін Парламент қарауына енгізуді тапсырды.

Бұл ретте Үкімет басшысы «халық үніне құлақ асатын мемлекетті» қалыптастыру үшін ашық ақпараттық кеңістікті дұрыс пайдаланып, әлеуметтік желілер мен блогосфераның рөлін ескеру маңызды екенін айтты.

«Қоғамдық бақылау функциясын орындай отырып, журналистер биліктің барлық тармақтары жұмысының тиімділігін арттыра алады. Бұл ретте баспасөзбен бірлесе жұмыс жүргізуге нақты қадамдар жасау керек», — деді ол.

Әлихан Смайылов орталық және жергілікті атқарушы органдарға ведомстволардың салалық қызметіне маманданған спикерлердің сапалы пулын құруды тапсырды. Олар мемлекеттік органдардың қызметі туралы тұрақты түрде түсіндіру жұмыстарын жүргізіп отыруы тиіс.

Үкімет басшысының пікірінше, мемлекеттік органдардың ресми өкілдері, баспасөз хатшылары ресми хабарларды берудің жаңа форматына көшуі керек.

Кәсіби «құрғақ» тілде жазылған пресс-релиздерді таратумен ғана шектеліп қалуға болмайды.

Сонымен қатар мемлекеттік органның қызметін әлеуметтік желілерде белсенді жариялап, халықтың сұрақтарына тұрақты түрде жауап беру қажет.

Сөз соңында Әлихан Смайылов бұқаралық ақпарат құралдары қызметкерлерін кәсіби мерекелерімен құттықтап, бірлескен күш-жігер Үкіметтің жұмысын бұдан да ашық әрі тиімді етуге мүмкіндік беретініне сенім білдірді.

 

ortcom.kz
01.07.2022

Ұқсас жаңалықтар

Аудан әкімі тұрғындарды қабылдады
Қордай ауданының әкімдігі - 18.08.2022 12
Халықтың талап-тілегі ескерусіз қалмайды
Жуалы ауданының әкімі Жалғас Мұртаза Әлижанұлы - 18.08.2022 34
Жамбылда биыл 22 890 оқушы 1-сыныпқа барады
Тараз Жиырма Төрт - 18.08.2022 11
Шерхан және Мұсатай
Доқтырхан Тұрлыбек, жазушы, Халықаралық «Алаш» әдеби сыйлығының лауреаты - 17.08.2022 157
Әбілқайыр хан және Күсеп батыр
Самат ӨТЕНИЯЗОВ, Әл-Фараби атындағы ҚазҰУ, т.ғ.к. - 11.08.2022 311
Сіз қандай қариясыз?
Мақұлбек МАЛДАРБЕКОВ, Қазақстанның құрметті журналисі - 11.08.2022 323

Топ жаңалықтар

1
Орталық Азиядағы ең үлкен мешіт Нұр-Сұлтанда
Show more
Ермек САХАРИЕВ - 2022-08-18 66
2
Руслан Жақсылықов Мәскеуге барды
Show more
Ермек САХАРИЕВ - 2022-08-18 64
3
Әсерлі саяхат
Show more
Ләззат ҚАЖЫМОВА БҚО Орал қаласы - 2022-08-18 45
4
Көше атаулары жаңаруда
Show more
Ләззат ҚАЖЫМОВА БҚО Орал қаласы - 2022-08-17 85
5
Дүниежүзілік шахмат олимпиадасы аяқталды
Show more
Рауан Мутаир - 2022-08-17 152