Т.Рысқұлов ауданында аудан әкімінің және ауылдық округ әкімдерінің 2021 жылдың қорытындысы бойынша халық алдындағы бірлескен жылдық есебі жалғасуда.
Бүгінде аудан 15 ауылдық округ болса, соның 12-де халықпен дәстүрлі түрде есеп беру кездесулері өтті.
2021 жылдың қорытындысы бойынша бірлескен жылдық есебінде алдымен ауылдық округ әкімдері ауылдық округте атқарылған жұмыстар туралы есеп берсе, аудан әкімі Ерболат Садырқұлов есептік кездесу барысында аудан басшысы өткен жылдың әлеуметтік-экономикалық даму қорытындысы мен 2022 жылы орындалатын жұмыстарды баяндап өтті.
Өз сөзінде аудан басшысы Ерболат Салқынбекұлы жүргізілген жұмыстардың барлығы да алға қойған тапсырмаларды шешуге және әлеуметтік-экономикалық ахуалды тұрақтандыруға бағытталғандығын айтты.
Мысалы, Т.Рысқұлов ауданында 2020-2021 жылдары 4 каналды механикалық тазарту жұмыстары жүргізілуінен суармалы жердің ұлғайған.
2021 жылдың қорытындысымен ауыл шаруашылығы мақсатындағы игерілмеген және мерзімі өткен 52 жер телімінің жалпы ауданы 10795,78 га, (оның ішінде 415,99 га егістік, 10379,79 га жайылым) жер телімдері мемлекеттік жер қорына қайтарылды. Ауыл шаруашылығы мақсатындағы жалпы ауданы 115,6 га егістік жер телімі қайта айналымға қосылды.
Аудандағы 42 елді мекеннің (64512 адам) 30 елді мекенінде (58529 адам немесе 90,7%) ауыз су жүйесі бар. Бүгінгі таңда оның 34-не толық газ тартылған. 2021 жылы 10 ауылға газ тарту жұмыстарына қаржы қарастырылып, толығымен ауылдар газдандырылды. Ағымдағы жылы Шолақ-Қайыңды ауылына көгілдір отын жеткізу жоспарланып отыр.
Т.Рысқұлов ауданының жалпы 42 елді мекендер бойынша 337,4 шақырым көше жолдары бар. 2020 жылы 91 жобаға 684,6 млн. теңге бөлініп жұмыстар атқарылып 88,2% жақсы және қанағаттарлы жағдайға жеткен, яғни 297,5 шақырым жөнделген. 2021 жылы «Ауыл Ел-бесігі» бағдарламасы және аудандық бюджет аясында 93,0% көрсеткішке жеткізілді, яғни осы жылы 19,45 шақырым 18 көше жолдары жөнделді. Ал аудандағы 352 көшенің 291 көшесі немесе 80,2% жарықтандырылған.
Сонымен қатар, 2021 жылы «Ауыл- ел бесігі» жобасы аясында 3 мәдени нысан күрделі жөндеуден өтсе, Луговой ауылына дене шынықтыру-сауықтыру спорт кешені салынды.
Өткен жылға әр салада атқарылған жұмыстардың қорытындыларын тыңдаған аудан халқы оң деген баға беруде.
Әр салада жыл бойы атқарылған жұмыстар туралы аудан әкімі Ерболат Садырқұловтың есебінен кейін ауыл тұрғындары сұрақтар қойып, өздерін толғандырған сұрақтарға жауап алды.
Аудан халқының тарапынан қалған ауыл көшелерін асфальттау және оларды жарықтандыру, қалған ауылдардағы ауыз су мәселесі, елдімекендерде мәдениет үйі мен спорт кешенін салу сында мәселелер көтерілді.
Тұрғындар тілегін мұқият тыңдаған Ерболат Салқынбекұлы қойылған сұрақтардың бәрі алдағы уақытта шешімін табатынын, айтылған ұсыныстар кезең-кезеңімен жүзеге асырылатынын және жеке бақылауында болатынын жеткізді.
