Азаптауға қатысқандарды заң қатаң жазалайды

    Парламент Сенатының төрағасы Мәулен Әшімбаев журналист Ғазиз Әбішевке берген сұхбатында: «Кінәлілер жауапкершіліктен қашып құтыла алмайды. Азаматтарды азаптауға қатысқандардың барлығы міндетті түрде заңның барлық қатаңдығы бойынша жазаланатын болады. Қазақстанда заң бойынша азаптауға тыйым салынған. Мұндай қылмыс жасағанны үшін кінәлілер 12 жылға дейін бас бостандығынан айырылуы мүмкін. Қасіретті қаңтар кезінде бейбіт халықтың шеруге шығуына әлеуметтік жағдай түрткі болды. Жылдар бойы қалыптасқан әлеуметтік теңсіздік, мардымсыз табыс, материалдық жағдайдың төмендігі жұртшылықтың наразылығын тудырды. Бүгінде халықтың тең жартысы 50-60 мың теңге көлемінде жалақы алады. Бағаның үнемі шарықтап бара жатқанын ескерсек, бұл өте аз. Қордаланған мәселе көп. Бүгіндері құқық қорғау органдары мен арнайы қызметтер қаңтар оқиғаларына қатысты тергеуді жалғастырып жатыр. Бас прокуратура бұл мәселелерді бақылауда ұстап отыр. Бүгінде 170-ке жуық азаптау бойынша қылмыстық іс тергеліп жатыр. Жуық арада тәртіпсіздіктердің себептері мен салдары нақты айтылатын болады»,— деп мәлімдеді.