ХОК-тың IBA басшысы Умар Кремлевке жіберген хатында: «Алдағы уақытта бокс жазғы Олимпиада ойындарынан алынып тасталуы мүмкін. Қазіргі уақытта Лос-Анджелесте өтетін 2028 жылғы Олимпиада ойындарының бағдарламасында бокс жоқ. Алайда бұл ақырғы шешім емес. Халықаралық Олимпиада комитетінің атқарушы кеңесі Халықаралық бокс ұйымы басқармасын асқан алаңдаушылықпен бақылайды», – делінген.
Сарапшылар пікірінше, ХОК-тың алаңдаушылығын тудырып отырған мәселе – бокста үдемелі реформалардың жоқтығы мен IBA-ның ресейлік «Газпром» компаниясына тәуелділігі сынды. Спортты саясатқа араластырмауды ескерместен, ХОК әлгіндей шешім қабылдаса, бұл спортсүйер қауымды шаршы алаң төрінде өтетін аса қызықты кездесулерді тамашалау мүмкіндігінен айырары сөзсіз. Мәселе солай шешілсе, өкінішті-ақ!
