Бұйрық бар, бірақ орындалуы көңіл көншітпейді

Оқырмандар тарапынан желіде көп қойылған сұрақтарға орай Оқу-ағарту министрлігінің Білім және ғылым саласында сапаны қамтамасыз ету комитеті төрағасының орынбасары Майра Мелдебекова: «Мемлекеттік мектептер әкімдіктерге қарайды, сондықтан оларды жабдықтау, материалдық-техникалық базасын нығайту, сондай-ақ жөндеу жұмыстары жергілікті бюджет есебінен жүргізілуі тиіс. Ата-аналар мен мұғалімдерден мектепті жөндеуге ақша жинауға болмайды», – деді. Биыл сәуір айында «Педагог мәртебесі туралы» заң аясында министрліктің арнайы бұйрығы қабылданды. Бұйрықта педагогтерді өздерінің жұмыстарына тән емес басқа жұмыстарға тартуға, олардан министрліктің 130-бұйрығында қаралмаған есептерді талап етуге болмайтыны нақты көрсетілген. Сонымен қатар, педагогтер жұмыс барысында пайдаланатын қағаз немесе басқа да шығындарға өз қаражаттарын жұмсамауы керек.