Қазақстандық теннисші Анна Данилина WTA250 BNP Paribas Poland Open турнирінің жұптық сынында топ жарды. Данилина германиялық Анна-Лена Фридзаммен бірге финалда жергілікті теннисшілер Катаржина Кава/Алисия Росольска жұбын жеңді. Екі сағатқа жуық уақытқа созылған финалдық кездесу 6:4, 5:7, 10:5 есебімен аяқталды. Осылайша, Данилина WTA турнирінде үшінші рет чемпион атанып отыр. 2022 жылдың басында Анна Беатрис-Хаддад Маяамен бірге Сиднейдегі турнирде WTA 500, ал былтыр Гданьск қаласындағы (Польша) WTA 250 турнирінде жеңімпаз атанған.
