Деструктивті діни ағымға тыйым салатын кез жетті

Деструктивті діни ағымға тыйым салатын кез жетті

    Елімізде соңғы болған бұзып-шағу, өртеп, тонау, кісі өлтіру т.б бүлікшілік іс-әрекеттері мемлекет тарапынан террорлық шабуыл ретінде танылды. Деструктивті діни ағым өкілдерінің қитұрқы қылмыстарымен астасқан іс-қимыл екені де айтылуда.

Біз ұлт ретінде өзімізді «әлмисақтан мұсылманбыз» деп келдік және еліміз тарихында тәуелсіздікке дейін діни алауыздық болған жоқ. Ата-бабамыз ұстанған ислам дінін дәстүрге балап, хәл-қадірімізше қадір тұттық. Алайда:

 

      Еліміз тәуелсіздік алғаннан кейінгі ес жиып үлгермеген алғашқы кезеңдерде халықтың діни сауатының төмендігін пайдаланып, сырттан дәстүрлі діни ұстанымымызға сай келмейтін көзқарас-пірдегі жат ағым өкілдері сыналап кіре бастады. Біртіндеп ағаш өзегін кеулеген құрттай ел арасын іріткіге салып, бүліктер шығара бастады. Ғасырлар бойы ұстанған жолымызды, салт-дәстүр, әдет-ғұрпымызды жоққа шығарды. Жастардың санасын улады. Шетел асқандар да аз болмады. Тіпті ел ішінді Ақтөбе, Алматы, Атырау сынды бірнеше қалаларда қарулы қақтығыстар, жарылыстар жасады.

Осы ретте деструктивті діни ағым өкілдерінің елдігіміз үшін қауіпті екенін анық аңғардық. Бұған дейін де сан мәрте айтылып, көтеріліп келсе де бұл мәселе аса өзектілікке ие бола алмады...

 

       ДДА ұстанушыларымен күресу үшін 2011 жылы Дін істері комитеті құрылып, қарсы нәсихат, түсіндіру жұмыстары бойынша өз қызметін бастаған. Әлі де жалғасуда. Алайда Дін істері басқармасының да, ДДА ұстанушыларымен тікелей жұмыс жасайтын теологтардың да қолында ешқандай заңдық құзірет болмағандықтан ДДА ұстанушылары айылын жиған емес. Сәйкесінше жұмыстың жемісі де мардымсыз.

 

       Әрине еліміз зайырлы мемлекет. Кім, қандай дін ұстанғысы келсе өз еркінде. Дей тұрғанмен қандай да бір дін немесе ұйым, жеке тұлға болсын мемлекетке, ұлтқа қауіп төндірген жағдайда заңмен бір жақтылы етілмей ме?!

Дәл қазіргі жағдайда «темірді қызуында соғып»  ДДА ұстанушыларына, басқа да ел арасын іріткіге салатын діни-саяси топтар мен ұйымдарға заңдық тұрғыдан тыйым салынса құба-құп болар ма еді?!.

 

      P/S: осы мәселені жоғарыға жеткізуге қауқарлы тұлғалар болса белгілеп кетсеңіздер болады...

Ерзат Төлешұлы
12.01.2022

Ұқсас жаңалықтар

Топ жаңалықтар

1
Қарағандылықтар газға қосылған кезде қандай жеңілдіктер алады
Show more
Жомарт Шаймұрат - 2022-01-24 48
2
Қарағандылық конькиші Екатерина Айдова олимпиаданың ашылуында Қазақстанның көкбайрағын алып шығады
Show more
Жомарт Шаймұрат - 2022-01-24 25
3
«ҚАСІРЕТТІ ҚАҢТАРДАН» ҚАНДАЙ САБАҚ АЛУЫМЫЗ КЕРЕК?
Show more
Пікірлерді жинақтаған Ш.Жамбыл. - 2022-01-24 22
4
Қарағанды облысының әкімдігі кеншілер мен металлургтер үшін жеңілдетілген ипотекаға қаражат бөлді
Show more
Жомарт Шаймұрат - 2022-01-24 25
5
"Ұрып-соғуға, азаптауға дайынмын". Ермек Нарымбай Қазақстанға оралады
Show more
- 2022-01-23 87