Ербол Хамитов ерлеп тұр

Швецияның Эстерсунд қаласында 21-29 каңтар аралығында парашаңғы және парабиатлоннан өткен әлем чемпионатында қазақстандық парабиатлоншы Ербол Хамитов 12,5 шақырым қашықтықты 41:37,9 уақытта бағындырып, қола жүлдеге ие болды. Бұл сайыста АҚШ спортшысы Арон Пайк 41:26,8 уақытта мәреге бірінші болып жетсе, неміс спортшысы Скот Минах 41:32,9 уақытымен екінші орынды еншіледі. Бұған дейін Ербол Хамитов әлем чемпионатында спринт жарысында алтын медальға, ал, 7,5 шақырымдық жарыста қола медальға қол жеткізген болатын. Еске салсақ, жарыста 18 мемлекеттен 102 спортшы өнер көрсетті.