Еуропадағы біраз елдің лауазымды тұлғалары дүйсенбіде (31 наурыз) Испания астанасы Мадридте бас қосты. Кездесуге Ұлыбритания, Франция, Италия, Польша және Испанияның сыртқы істер министрлері, мемлекеттік хатшылары, сондай-ақ Еуропалық Одақтың Сыртқы істер және қауіпсіздік саясаты жөніндегі Жоғарғы өкілі Кая Каллас және ЕО-ның жоғары деңгейдегі қорғаныс комиссары Кубилюс қатысты. Германия мен Украинаның өкілдері бейнеқоңырау арқылы қосылды. Жиналыс соңында бірлескен мәлімдеме жасалды.
Мәлімдемеде қатысушылардың «Еуро-Атлантика қауіпсіздігінің негізі» саналатын НАТО-ға адалдықтарын әйгілеп, «Украинаның тәуелсіздігі, егемендігі мен аумақтық тұтастығын табанды түрде қолдайтындықтарын», «Украинаға саяси, қаржылық, экономикалық, гуманитарлық, әскери және дипломатиялық қолдау көрсетуді жалғастыратындықтарын, сонымен бірге бейбітшілік үдерісін ілгерілету үшін Ресейге қаратылған санкцияларды ұлғайта беретіндіктерін» жариялады.
Жиналысқа қатысқандар бірауыздан Украинаның болашағы «Еуропаның қауіпсіздік үшін өте маңызды», сондықтан ЕО Украина бойынша бітімгершілік келіссөздерге толық қатысуы керек және Еуропа «бейбітшілікке қол жеткізуде өз рөлін ойнауға» дайын екендігін атап өтті.
Ерқазы СЕЙТҚАЛИ
