К. Малиновский – екінші орында

Жерлесіміз Әлем Кубогында топ жарды. Индонезия астанасы Джакарта қаласында нысана атудан сұрмергендер сайысы өтіп жатыр. Жарыс 7 ақпанға дейін жалғасады. Жарыстың алғашқы күні пневматикалық винтовкадан нысананы көздеу бәсекесі болды. Ерлер арасындағы сында ел намысын алматылық Константин Малиновский қорғады. Ол барлық мүмкіндігін сәтті пайдаланып, жалпы есепте 2-орынға тұрақтады. 1-орын жапон спортшысына бұйырды. Үздік үштікті Швеция өкілі түйіндеді. Байрақты бәсекеге бас-аяғы 15 спортшымыз аттанды. Әлем Кубогының қорытындысы бойынша үздік нәтиже тіркеген спортшыларға рейтингілік ұпайлар беріледі. Дәл осы көрсеткіш кейін Париж олимпиадасының жолдамалары сарапқа салынғанда негізгі рөлді атқарады.