Елорда күніне орай Мәдениет және спорт министрлігінің қолдауымен Ұлттық академиялық кітапханасында «EЛОРДА – KitapTime» кітап көрме-жәрмеңкесі өтті.
Көрмеде елордамыз туралы әдебиеттер насихатталып, отандық кітап баспаларының жаңа өнімдерімен таныстырды. Оқырмандарға «Фолиант», «Эльдорадо» кітап дүкені, «Абай» кітаптар үйі, «Алматыкітап» баспасы, «Qyr balasy», «Qasym» кітаптарын көрермен назарына ұсынды. «Балалар жылына» орай бүлдіршіндердің қызығушылығын арттыруда арт-галерея, шахмат, қолөнер шеберханасының шеберлік сыныбы және т.б. шара ұйымдастырылды.
Ашық аспан астында өткен шараға алаштанушы, абайтанушы ғалым Т.Жұртбай, жазушы Ә.Асқар, әдебиеттанушы С.Негимов, жыршы-манасшы Б.Әлімжан, балалар әдебиетінің өкілі Т.Әбдірайым және басқа да танымал зиялы қауым өкілдері, елшіліктер, жас қаламгерлер, суретшілер, иллюстраторлар, аниматорлар, БАҚ өкілдері, ата-аналар, оқырман балалар және жалпы елорда тұрғындары қатысты.
