Көше атаулары жаңаруда

Көше атаулары жаңаруда

 

Орал қаласында тәуелсіздік жылдарында бірқатар көшелерге жаңа атау берілсе, атауы ескірген көшелер де назардан тыс қалмады.  

Орал қалалық мәдениет және тілдерді дамыту бөлімі берген ақпаратқа сүйенсек, мұндай көшелердің саны 550-ден асады. Қалалық сәулет және қала құрылысы бөлімінің «Мекенжай» базасындағы мәлімет бойынша жалпы қалада 39 шағынаудан, үш даңғыл, 949 көше бар екен. 

– Елді мекен, көше атауларын ауыстыру еліміздегі «Қазақстан Республикасының кейбір заңнамалық актілеріне ономастика мәселелері бойынша өзгерістер мен толықтырулар енгізу туралы» 2013 жылғы Заңы, ел Үкіметінің  «Әкімшілік-аумақтық бірліктерге, елді мекендердің құрамдас бөліктеріне атау беру, оларды қайта атау, сондай-ақ олардың атауларының транскрипциясын нақтылау мен өзгерту кезінде тиісті аумақ халқының пікірін ескеру қағидаларын бекіту туралы» 2014 жылғы қаулысы негізінде жүргізіледі. Бізде ономастика саласында тұрғындардан түскен ұсыныстар қалалық ономастикалық нысандардың тарихи және дәстүрлі атауларын қалпына келтіру бойынша ұсыныстарды зерделеу және пысықтау жөніндегі жұмыс тобында қаралады. Оның құрамында ономаст-ғалымдар, тарихшылар, қоғам белсенділері, тіл жанашырлары –өлкетанушы ақын-жазушылар, мемлекеттік мекеме өкілдері бар, – деді қалалық мәдениет және тілдерді дамыту бөлімінің басшысы Серік Қайырлиев. 

Облыс орталығында 60-қа жуық көшеге Ұлы Отан соғысы батырларының есімдері берілген. Биыл 11 көшенің атауы жаңартылған. 2022 жылғы 8 сәуірдегі Батыс Қазақстан облысы әкімдігі мен мәслихатының бірлескен қаулысына және шешіміне сәйкес, шаһардағы  М.Мәметова алаңы «Батыр қыздар алаңы» деген жаңа атауға ие болған. Себебі, бұл алаңға қазақтың ержүрек қыздары Х.Доспанова, Ә.Молдағұлова, М.Мәметова – үшеуінің композициялық ескерткіші қойылған. Сонымен бірге «Московская» – Тәуелсіздік   көшесі, «Мирзоян» – Желтоқсан көшесі болып өзгертілді. Ал «Ескі әуежай» шағын ауданындағы мән-мағынасы көмескі көшелер енді белгілі қоғам қайраткері,  өлкеміздің әлеуметтік, мәдени-экономикалық дамуына айтарлықтай үлес қосқан Шәпет Қоспановтың, соғыс және еңбек ардагері, «БҚО-ның Құрметті азаматы» Бисен Жұмағалиевтің,  Қазақстанның еңбек сіңірген өнер қайраткері, көрнекті композитор, Қазақстанның халық артисі, профессор Базарбай Жұманиязовтың,  ҚР Халық әртісі, дәулескер күйші, композитор Тұяқберді  Шәмеловтің,  ақын, Қазақстан Жазушылар Одағының мүшесі, «Орал қаласының Құрметті азаматы» Жанғали Набиуллиннің, «Орал қаласының құрметті азаматы», ҰОС ардагері, өлкетанушы Николай Чесноковтың, Мұнай-газ саласының талантты геологы, ғалым, «Орал қаласының Құрметті азаматы», академик Сухан Камаловтың,  өңірімізде құрылыс саласын дамытуға саналы ғұмырын арнаған «Еңбек сіңірген құрылысшы» Алдияр Рахметовтің есімдерімен аталады.  Сондай-ақ Зашаған кентіндегі Лбищенская – Қажығали Мұханбетқалиұлы, 3-линейная – Сабаз Арыстанов, Строителей – Қайыржан Арыстанәлиев көшелері болып қайта аталды. Қала маңындағы «Ынтымақ» (Ветелки) елді мекенінің атауы  бойынша әділет органында тіркеу жұмыстары жүруде.  

– Қала көшелерінің жаңа атаулары индекстерінің аншлагтарын бірыңғай жазу және орналастыру, қалаға бірыңғай келбет беру, мәдени-танымдық тәрбие және мекенжайлық деректерді біріздендіру сапасын арттыру мақсатында шаһарымызда көше аншлагтарын орналастыру жұмыстары жүргізілуде. Оған қоса шаһарда көше атауы туралы мәліметтерді цифрландыру бағытында басты даңғыл бойынша аншлагтар QR-кодтармен орнатылды, – деді Серік Ерболатұлы.  

Ләззат ҚАЖЫМОВА БҚО Орал қаласы
17.08.2022

Ұқсас жаңалықтар

ТҮРКІСТАН: «ЭКОБАЗАРДАҒЫ» ЖӘРМЕҢКЕДЕ АЗЫҚ-ТҮЛІК АРЗАН БАҒАДА САТЫЛЫП ЖАТЫР
Түркістан облысы әкімінің баспасөз қызметі - 27.09.2022 16
ТӘРБИЕШІЛЕРДІҢ ЖАЛАҚЫСЫН КӨБЕЙТУ ЖӘНЕ ЖҮКТЕМЕСІН АЗАЙТУ БОЙЫНША ШАРАЛАР ҚАБЫЛДАНЫП ЖАТЫР
Қазақстан Республикасы Президенті жанындағы Орталық коммуникациялар қызметі - 27.09.2022 14
ТҮРКІСТАНДА «МЕЙІРІМДІ ЖҮРЕК» ҚАЙЫРЫМДЫЛЫҚ АКЦИЯСЫ ҰЙЫМДАСТЫРЫЛДЫ
Түркістан облысының Өңірлік коммуникациялар қызметі - 27.09.2022 14
ҚЫЗЫЛОРДАДА «ТАРИХИ ТҮРКІСТАН» КӨШПЕЛІ КӨРМЕСІ ӨТІП ЖАТЫР
Түркістан облысы әкімінің баспасөз қызметі - 27.09.2022 12
«ЖАЙЛЫ МЕКТЕП» ҰЛТТЫҚ ЖОБАСЫ АЯСЫНДА 2023-2025 ЖЫЛДАРЫ 800 МЫҢНАН АСТАМ ОҚУШЫ ОРНЫ АШЫЛАДЫ
Қазақстан Республикасы Президенті жанындағы Орталық коммуникациялар қызметі - 27.09.2022 13
Күн тәртібінде келелі мәселелер қаралды
Сарысу аудан әкімдігі баспасөз қызметі - 27.09.2022 12
Жолдауды талдау һәм президенттік сайлау туралы толғау
Сәуле МЕШІТБАЙҚЫЗЫ, ҚР Еңбек сіңірген қайраткері - 08.09.2022 740

Топ жаңалықтар

1
Қобда ауданының 850-ден астам тұрғыны «Ауыл аманаты» жобасына қатысады
Show more
Ақтөбе облысы әкімінің баспасөз қызметі - 2022-09-25 196
2
Ойылдықтар Ұлы Жібек жолының бойында «Көкжар» жәрмеңкесінің 155 жылдығын атап өтті
Show more
Ақтөбе облысы әкімінің баспасөз қызметі - 2022-09-25 186
3
Ақтөбелік жастар жаппай сенбілікке шықты
Show more
Ақтөбе облысының баспасөз қызметі - 2022-09-25 193
4
Ақтөбелік команда «Ұлы Дала Жорығы» марафон-бәйгесінде үшінші кезеңнің нәтижесі бойынша көш басындағы үштікке кірді
Show more
Ақтөбе облысының баспасөз қызметі - 2022-09-24 237
5
Ертең Заречный тұрғын алабындағы Елек өзені үстінен өтетін көпір ашылады
Show more
Ақтөбе облысының баспасөз қызметі - 2022-09-24 204