Майнерлер бюджетке 652 млн теңге төледі

Майнерлер  бюджетке 652 млн теңге төледі

Қаржы министрлігі мемлекеттік кірістер комитетінің баспасөз қызметі: «Биыл 1 қаңтардан бастап цифрлық майнинг үшін төлемақы енгізілді. Цифрлық майнинг саласында қызметін жүзеге асыратын тұлғалар төлемақы төлейді. Салық қызметті жүзеге асыру кезінде тұтынылған электр энергиясының нақты көлемі үшін алынады. Төлемақы есепті тоқсаннан кейінгі айдың 20-сынан кешіктірмей, тоқсан сайын төленеді. Оның сомасы электр энергиясының 1 киловатт-сағаты үшін 1 теңгені құрайды. 2022 жылғы бірінші тоқсанның қорытындысы бойынша цифрлық майнинг үшін төлемақыдан бюджетке 652 млн теңге түсті»,— деп хабарлайды.

Цифрлық майнинг үшін төлемақы 12 өңірдің төлеушілерінен түскен, атап айтқанда: Нұр-Сұлтан қаласы – 277,3 млн теңге; БҚО – 143,1 млн теңге; Ақтөбе облысы – 48,9 млн теңге; Қарағанды облысы – 45,2 млн теңге; Павлодар облысы – 36,9 млн теңге; Алматы қаласы – 36,1 млн теңге; Атырау облысы – 26,4 млн теңге; ШҚО – 24,3 млн теңге; Алматы облысы – 11,1 млн теңге; Түркістан облысы – 2,2 млн теңге; Жамбыл облысы – 685,1 тыс теңге; Қостанай облысы – 39,9 мың теңге. Бұл ақша республикалық бюджетке түседі. Сәйкесінше төлемақы түскен өңір мен майнинг фермасының орналасқан жері сәйкес келмеуі мүмкін.

Төлемақының ірі төлеушілері: «AISolutions» ЖШС – 93,2 млн теңге; «ЛЛУ АГРО-ЭНЕРДЖИ» ЖШС филиалы – 76,7 млн теңге; «BCD Company» ЖШС – 53,8 млн теңге.

Бұған дейін электр қуатының қауіпсіздігін қамтамасыз ету мақсатында майнингті жүзеге асыратын кәсіпорындардың дені 2021 жылғы қазаннан бастап электр энергиясынан ажыратылғаны хабарланды. Осыған байланысты күткен соманың басым бөлігі бюджетке түспей қалған. Қазіргі таңда парламент цифрлық майнинг үшін төлемақы ставкасын ұлғайтуды көздейтін заң  қарастырып жатыр.

Ермек САХАРИЕВ
02.06.2022

Ұқсас жаңалықтар

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 324
2
Өркенді қала-қуатты өңірге жетелейді
Show more
Дахан Шөкшир - 2023-06-02 6427
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8040
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6507
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6644