БЕСсимптомно Telegram каналы: «Нұрсұлтан Назарбаев наурыз айында шығарылған «Коммерциялық телеарна» АҚ жай акцияларының көпшілігін 500 теңгеден сатып алды Телеарнаның екі мыңнан астам жай акциялары енді «Нұрсұлтан Назарбаев қорына» тиесілі»,— деп хабарлайды.«Нұрсұлтан Назарбаев Қоры» қоры жалпы сомасы 1 млрд 198 млн теңгеге телеарнаның 2 396 156 жай акциясын сатып алды. Бір акцияның құны 500 теңгеден. Енді қорда 7,5 мыңнан астам жай акция бар. Қаржылық есеп 11-і сәуірден бастап ашық болды. Онда: «1 198 078 сомаға бір акция үшін құны 500 (бес жүз) теңге болатын 2 396 156 (екі миллион үш жүз тоқсан алты мың жүз елу алты) дана көлемінде«Нұрсұлтан Назарбаев Қоры » жеке қорына акционерлік қоғамның жай акцияларды сатуы бойынша ірі мәміле жасау және төлемді Қоғамның жарғылық капиталына жарна ретінде қабылдансын», — деп көрсетілген. Жалпы алғанда, қосымша эмиссиямен бірге қарапайым акциялардың саны сегіз мыңнан асты. Акцияларды сатылымға шығару туралы шешім 28-і ақпанда акционерлер жиналысында қабылданды. Қосымша шығарылым 2 622 850 дана болды. Нәтижесінде Назарбаев Қоры телеарна акцияларының 97пайызын сатып алушы болды. Дауыс беретін акцияларға «TV Media Advertising Agency» ЖШС және «Нұрсұлтан Назарбаев Қоры» ие. «Нұрсұлтан Назарбаев қоры» жеке қорының негізін қалаушы – Тұңғыш Президент – Елбасы Нұрсұлтан Назарбаев. Директоры – оның үлкен қызы Дариға Назарбаева. «TV Media Advertising Agency» ЖШС Қазақстандағы ең ірі жарнама агенттігі. Оны Валерий Сафонов басқарады. Ол ұзақ жылдар бойы Дариға Назарбаевамен байланысты жарнама бизнесімен айналысады. Осылайша, Елбасының үлкен қызы Дариға Назарбаева екі құрылым арқылы КТК телеарнасын бақылауды ары қарай жалғастырады.
Осы жерде қалың оқырман қауымның: «Қорға қаржы салған қарапайым халық қой. Оны неге Назарбаев әулеті жеке өз пайдасына жаратуы керек? «Назарбаев қоры» күллі халық қамын ойласа, президент бастамасымен құрылған қорға неге ақша аудармай, сараңдық жасады?»— деген заңды сұрақ туындайды.
