Қазір бүкіл әлем Россия десе жұқпалы ауруға ұшыраған адам көргендей тыжырынатын жағдайға жеткен. Теріс айналған. Путиннің қасында қалғаны Лукаш пен Қадыров қана.
Осы күндері ресейліктер «Путин – Ресей емес, Ресей – Путин емес» деген сөз шығарыпты. Өздерін арашалаған түрлері. Пішту! Путин деген – Ресей! Ресей деген – Путин! Басқыншы! Жиіркенішті шовинист! Тағы тағылар! Осы жексұрын аты енді жүз жылда да жуылмайды. Бүкіл әлем Ресейден мерезі асқынған ауру көргендей, аулақ жүретін болады.
Бұндай лас атақтан арылудың жалғыз ғана жолы бар. Ол – халықтың тез арада көтеріліп, соғыс бастағандардың көзін құртуы. Көзін құртып қана қоймай, Украинға келтірген материалдық және моральдық шығындарын түгел төлеу, алып қойған жерлерін түгел қайтару. Орыстар сонда ғана ұлы халық екенін дәлелдей алады. Әйтпесе жексұрын болғаны болған! Бірақ Ресейдің олай істейтін түрі көрінбейді. Олардың соғысты тоқтатуды талап етіп көшеге шыққандары 1 пайызға да жетпейді. Мысалы, Мәскеуде 12 млн адам тұрса, оның 1 пайызы 120 000 адам, Санкт-Петербор тұрғындарының 1 пайызы 50 000 адам. Осынша халықтан ұяты оянғандары қазір бар болғаны 0.1 пайыз болып тұр. Қалған 99.9 пайызы Ресейдің Украинға істеп отырғаны әділетсіздік, басқыншылық, фашистік екенін айтса, қылғынып өлетіндей бұғып отыр немесе «Z» деген басқыншылық белгісін машиналарына бадырайтып жапсырып алып, ойқастап жүр.
