Парабиатлон: Ербол Хамитов – қола жүлдегер

Ербол Хамитов пара биатлоннан Әлем чемпионатында ел тарихындағы тұңғыш медальді жеңіп алды. Қаңтардың 17-30 аралығында Швецияның Эстерсунд қаласында парашаңғы және парабиатлоннан Әлем чемпионаты өтіп жатыр. Онда 18 елден келген 102 спортшы бақ сынауда. Байрақты бәсекенің алғашқы күнінде Ербол Хамитов парабиатлоннан 7,5 км қашықтықта сынға түсіп, қола жүлдеге ие болды. Ол екі ату рубежінде (0-1) бір рет мүлт кетіп, үшінші орынға табан тіреді. Бұл еліміз үшін тарихи жеңіс екенін атап өткен жөн. Бірінші орын канадалық Кэмерон Коллинге, екінші орын АҚШ спортшысы Арон Пикеге бұйырды.