Португалияда 1 алтын, 2 күміс еншіледік

Португалияның Алмада қаласында 27-29 қаңтарда дзюдодан Гранпри турнирі өтті. Оған әлемнің 81 елінен келген 500-ден астам дзюдошы қатысты. Аталған сайыста әйелдер арасында 48 келіге дейінгі салмақта қос қазақстандық қыз – Әбиба Әбужақынова мен Ғалия Тынбаева Қазақстанның дзюдо спорты тарихында тұңғыш рет финалға шықты. Финалда Ә.Әбужақынова вазари әдісімен чемпион атанса, Ғалияға күміс жүлде бұйырды. Осылайша, алғашқы жарыс күні Қазақстан қоржынына алтын мен күміс медаль түсті. Аталмыш салмақта барлығы 19 дзюдошы бақ сынады. Ерлер арасындағы сайыста 73 келі салмақта сынға түскен Жансай Смағұлов финалда өзбек дзюдошысы Обидхон Номоновқа есе жіберіп, күміс медаль алды. Португалиядағы Гран-при турнирінде Қазақстан елінің намысын ерлер мен әйелдерден 28 дзюдошы қорғағанын айта кетейік.