Бұл туралы Орталық сайлау комиссиясы Президенттікке кандидаттарды ұсыну туралы қорытынды отырыс барысында мәлімдеді. Орталық сайлау комиссиясының хатшысы Мұхтар Ерлан: «Қазақстан Президентінің 2022 жылғы 20 қарашаға белгіленген кезектен тыс сайлауына президенттікке кандидаттарды ұсыну 23 қыркүйекте басталып, 11 қазан күні сағат 18:00 де аяқталды. Нәтижесінде еліміздегі түрлі қоғамдық бірлестіктер атынан 12 кандидат ұсынылды. Кандидаттарды тіркеу кезеңі 21 қазан 18:00-ге дейін жүргізіледі», – деп мәлімдеді.
