Өзбекстанның Самарқанд қаласында өткен Шанхай Ынтымақтастық ұйымының саммитінде Ресей президенті Владимир Путин: «Еуроодаққа қатты қажет болса, шектеулерді жеңілдетіп, «Солтүстік Ағын -2» газ құбырына қатысты санкцияларды алып тастасын. «Газпром» да, Ресей де келісімшартқа сәйкес барлық міндеттемелерді орындайтын болады Бір ғана шешім арқылы жылына 55 млрд текше метр газ жеткізіледі»,— деді. Еске сала кетсек, 22-і ақпанда Германия «Солтүстік ағын-2» газ құбырын сертификаттауды тоқтатқан болатын.
