Қазақ футболы: 21-турдың қорытындысы

Қазақ футболы: 21-турдың  қорытындысы

«Тараз» – «Мақтаарал» – 0:1

«Тараз» өз алаңында күтпеген жерден «Мақтааралдан» (0:1) жеңіліп, жетісайлықтарға жоғарғы дивизионда қалуына үміт сыйлады. Енді аудан командасының алдағы уақытта жоғарғы лигада қалу үшін күресте екі басты қарсыласы – «Тұран» мен «Ақжайық» командасымен ойнайтынын ескерсек, өз орнын сақтап қалуы әбден мүмкін.

 

 «Ақжайық» – «Ақтөбе» – 3:1

Батыс дербиінде мүлдем күтпеген жағдай орын алды. «Ақтөбе» турнирлік кестеде 1-орынмен чемпиондыққа басты үміткерлердің бірі еді, ал «Ақжайық» көш соңындағы команда болатын. Бұл ойында бәрі де керісінше болды. «Ақтөбе» өте сүреңсіз ойын мәнерін көрсетіп, «Ақжайық» жергілікті жанкүйерлерін қуантты. Есеп – 3:1. «Ақтөбе» осы жеңілісіне қарамастан, әлі де 1-орында.

 

«Тұран» – «Астана» – 2:2

«Ақтөбенің» өкшесін басып келе жатқан «Астана» «Ақтөбеден» ұпай айырмашылығын қысқартуға толық мүмкіндігі болғанымен, турнир сатысының үшінші орнына қайта орала жаздады. «Тұранның» жастарының ойыны қонақтардан әлдеқайда артық көрінді және 82-минутқа дейін екі доп айырмасымен алда келе жатты. Дегенмен, «Астана» жеңіліске жол бермей, соңғы сәтте есепті теңестірді. Есеп – 2:2

 

«Тобыл» – «Шахтер» – 3:1

«Ақтөбе» мен «Астана» арасындағы айырмашылық қысқарды, бірақ бес ұпайдан төртке дейін, «Тобыл» өз алаңында еш қиындықсыз «Шахтерден» басым түсіп, елордалықтарды қуып жетті.

 

«Қызылжар» – «Қайрат» – 1:2

Бұл маусымда жанкүйерлерінің көңілін қалдырған «Қайрат» әлі де жеңіске жете алатынын көрсетті. Қос команда тез арада гол алмасып, есеп 90-минутына дейін тең болып, соңғы сәтте Вячеслав Швырев жеңіс голын салды.

Рауан МУТАИР
07.10.2022

Ұқсас жаңалықтар

Топ жаңалықтар

1
Алматыда көшкін қаупі сейілген жоқ
Show more
Камила Мүлік - 2025-02-20 3951
2
Алматы төтенше жағдайларға дайын ба?
Show more
Камила Мүлік - 2025-02-13 4135
3
Ойынқұмарлық дендеп барады
Show more
- 2024-11-30 19070
4
Пәтер сатып алғанда абай болыңыз!
Show more
Аққу СӘЛІМБЕК - 2024-06-14 17742
5
Алты алаштың басы қосылса, төр – мұғалімдікі
Show more
АҚҚУ СӘЛІМБЕК - 2024-06-12 21171