ҚР Мәдениет және спорт министрлігінің Спорт және дене шынықтыру істері комитетінің баспасөз қызметі: «12-14 желтоқсан аралығында елордадағы Ж.Үшкемпіров атындағы жекпе-жек сарайында қазақ күресінен әлем чемпионаты өтеді. Чемпионатқа әлемнің 40 елінен 350 балуан қатысады. Әлемдік додада ел намысын ұлттық құраманың өкілдері, «Дала Қыраны» титулының иегерлері қорғайды. Олар – Бекжан Төлепов (55 кг), Марат Нигматуллаев (60 кг), Нұр Аманшүкіров (66 кг), Жұмажан Қожамбеков (74 кг), Айдын Дартаев (82 кг), Тоқтарбек Айдарбек (90 кг), Мұхит Тұрсынов (100 кг) және Нұрдәулет Жарылғапов (+100 кг)», – деп мәлім етті. Айта кетерлігі, биылғы сайыс – 3 жас ерекшелігін қамтитын алғашқы Әлем чемпионаты. Онда белдесулер ересектер, жастар және жасөспірім палуандар санаты бойынша өтеді.
