«Қуатты өңірлер – ел дамуының драйвері» Қуатты ауыл – елдің сенімді тірегі

   «Қуатты өңірлер – ел дамуының драйвері»  Қуатты ауыл – елдің сенімді тірегі

Тараз қаласында «Ауыл» Халықтық-демократиялық патриоттық партиясының «Ауыл төрге шықсын!» атты ауыл тұрғындары мен кооперативтерінің республикалық слеті өтті.  

Жиынға партия төрағасы Әли Бектаев, ҚР Парламенті Мәжілісінің, облыстық, қалалық және аудандық мәслихаттар депутаттығына партиялық тізім және бір мандатты округтер бойынша сайлауға түсетін кандидаттар, ауылшаруашылығы кооперативтері мен ауыл тұрғындары қатысты. «Ауыл» партиясының үгіт-насихат жұмысы республика кооперативтердің слетінен басталды. Саяси доданың алғашқы жұмыстарының Жамбыл өңірінде тұсауы кесілуінің өзіндік сыры бар. Партия бағдарламасының, ұстанымының негізі ауылды қолдау, дамыту, ауыл тұрғындарының әлеуметтік мәселесін шешу екені баршаға аян.  Аталған мәселелерді шешудің бір жолы – ауыл кооперативтерін дамыту.    Бұл тұрғыда Президент тапсырмасымен Жамбыл облысында іске асқан кооперативтік үлгі – Қазақстандағы ең үздік үлгілердің бірі болып есептеледі. Жамбылдық кооперативтер айналасы екі-үш жыл ішінде бұл жұмыста оң нәтижеге қол жеткізді. Сондықтан екі жүзге жуық делегат бас қосқан республикалық жиын аталған облыстың әр кооперативінен мүше, әр ауылынан тұрғын шақырылып, өткізілді.  Шараның және бір өзіндік ерекшелігі – оның ұлттық нақышта өтуі болды. Жиын өткен мәдениет үйінде облыс кооперативтері өнімдерінің көрмесі ұйымдастырылды. 

    «Ауыл» партиясының төрағасы Ә. Бектаев, Аталған партия атынан мәжіліс, мәслихат сайлауына түсетін кандидаттар кооперативтердің өнімдерімен танысып, өз бағаларын берді.    Кооперативтер үй шаруашылықтарының табысын молайтуға бағытталған жобаларын көрмеде нақты көрсетті. Көрмеде кооперативтердің  сатып алған  ауылшаруашылығы техникалары жұрт назарына ұсынылды. Шараға жиналғандар онымен танысып болған соң жиналыс басталды.   Жиын барысында «Ауыл төрге шықсын!» атты үгіт-насихат науқанының негізгі бағытын, тақырыбын ашып, айқындап берген партия төрағасы Ә. Бектаев: «Атап өтерлігі, «Ауыл» партиясының Парламент Мәжілісі төріндегі алғашқы бастамасы ауылшаруашылығы өнімін, шикізатын, азық-түлік тауарларын өндірушілер мен бастапқы және терең қайта өңдеу кәсіпорындары үшін салықтардың барлық түрін (әлеуметтік аударымдардан басқа) толық жою болады. Сондай ақ фермерлер мен кооперативтерді ауылшаруашылығы өнімдерін сату мәселесі алаңдатпауы тиіс. Сондықтан партия бірінші кезекте квазимемлекеттік сектор ұйымдары тарапынан кепілді сатып алу және өткізу жүйесін құруға қол жеткізеді. «Ауыл» партиясының тек ауылдықтарға емес, қалалықтарға да ұсынатын көптеген бағыты бар. Азық-түлік сөрелерде өспейді, сөрелерде баға ғана өседі. Біз азық-түлік нарығынан артық делдалдарды ығыстыру үшін бар күшімізді саламыз. Егістікте өсірілген және қайта өңдеу кәсіпорындарында өндірілген өнімдер тікелей сөрелерге түсуі керек. Фермерлерді ірі сауда орталықтарына мүмкіндігінше жақындатамыз», – деп сендірді.

Слетте 2022 жылы өткен ҚР Президент сайлауында «Ауыл» партиясы атынан кандидат болған Жигули Дайрабаев, белгілі журналист Анна Данченко, Жамбыл облыстық қызылша өндірушілер ассоциациясының төрағасы Саха Манатов және облыстық мәслихатқа үміткерлер сөз сөйледі.  Жиын соңында ауыл ақсақалдары қазақтың киелі қарашаңырағы – киіз үйінде кандидаттарды жинап,  олардың саяси додада мәреге шашасына шаң жұқпай жетулеріне тілеулестік білдіріп, баталарын берді. 

 

ЕРМЕК САХАРИЕВ
02.03.2023

Ұқсас жаңалықтар

Тез таралатын жұқпалы аурудан сақтану
Артықбаев Сәкен Сарсенұлы Сарысу аудандық санитариялық-эпидемиологиялық бақылау басқармасының басшысы - 29.03.2024 11
Қызылша – вирусты инфекция
Артықбаев Сәкен Сарсенұлы Сарысу аудандық санитариялық-эпидемиологиялық бақылау басқармасының басшысы - 29.03.2024 6
ҚАЗАҚТЫҢ ЖАНЫ – ДОМБЫРА
Дәулетбек Байтұрсынұлы - 28.03.2024 148

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 358
2
Өркенді қала-қуатты өңірге жетелейді
Show more
Дахан Шөкшир - 2023-06-02 6464
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8172
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6543
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6679