Арнайы брифинг кезінде Орталық референдум комиссиясы 5 маусымда елімізде өткен ел Конституциясына өзгерістер мен толықтырулар енгізу жөніндегі жалпыұлттық референдумның алдын ала қорытындысын жария етті. Орталық референдум комиссиясының дерегінше, дауыс беруге жалпы 7 986 293 адам қатысқан. Алдын ала мәліметтер бойынша: Конституцияға өзгерістер мен толықтырулар енгізуді қолдап 77,18 пайыз, яғни 6 163 863 адам дауыс берген. Конституциялық түзетулерге қарсы 18,66 пайыз немесе 1 490 475 адам дауыс берген. Екі нұсқаны да таңдағандар 1,58 пайыз – 125 859 адам. Ал бюллетеньдердің 2,58 пайызы жарамсыз деп танылған. Сыртқы істер министрлігінің дерегінше, шетелдегі 65 сайлау учаскесінде дауыс беру 72,95 пайызды құраған.
